Биыл алғаш рет Қазақстан мұсылмандары дін басқармасының Төрағасы, Бас мүфти Серікбай қажы Сатыбалдыұлы еліміздің шалғай жерлерінде қызмет атқарып жүрген, тұрмысы төмен имамдарға «Қажылық қорынан» қаржылай көмек беруге ұсыныс тастаған болатын. Жолданған ұсыныс бір ауыздан қолдау тауып,  қабылданған шешім бойынша 2019- жылдың қантар айынан бастап Қазақстан Республикасы бойынша аймағымыздағы 103 имамға  ай сайын 50.000 теңге көлемінде қаржылай көмек берілетін болады. Республикалық қордан бөлінген қаржылай көмекті Қарағандылық алты  имамға ҚМДБ ның Қарағанды облысы бойынша өкіл имамы Өмірзақ қажы Бекқожа ресіми түрде табыстайтын болады.