Тілдік нұсқа
Радио

Жаңалықтар

Қазақстан делегациясының АҚШ іссапары аясындағы жұмысы басталды (ФОТО)
25 сәуір, 2018 жыл 81 Басып шығару нұсқасы

Сәуір айының 20-жұлдызында ҚМДБ төрағасының бірінші орынбасары, «Әзірет Сұлтан» мешітінің бас имамы Наурызбай қажы Тағанұлы бастаған қазақстандық делегация арнайы іссапармен АҚШ-қа аттанған болатын. Мамыр айының 11-жұлдызына дейін жалғасатын іссапар аясында Қазақстан Республикасының Дін істері және азаматтық қоғам министрлігі Дін істері комитетінің, Қазақстан мұсылмандарының діни басқармасының өкілдері Мэрилэнд, Нью-Йорк, Делавэр, Вирджиния және Колумбия штаттарында Қазақстандағы АҚШ Елшілігінің қолдауымен,  Өркениет алмасу және ынтымақтастық қорының (CECF) Халықаралық бақылаушылар бағдарламасына (IOP) қатысуы жоспарланған.

Аталмыш «Өркениет алмасу және ынтымақтастық қорының» басшысы Башар Арафаттың бастамасымен қолға алынған жоба аясында АҚШ-тағы Ислам дінінің мәртебесі және мұсылмандардың америка қоғамына бейімделуіне байланысты мәселелер көтеріліп, дінаралық және конфессияаралық татулықты ту еткен түрлі конференциялар мен дөңгелек үстелдер ұйымдастырылатын болмақ.

Айтулы басқосуға елімізден аттанған арнайы топ алғашқы кездесулерге қатысып, жоспарлы жұмыс қарқыны басталып та кетті. Аттай 20 күнге созылатын жауапты іссапар барысында екі ел арасындағы ынтымақтастықты арттырып, бірлікті бекемдей түсетін кездесулер мен отырыстар легі енді басталғандай. Мұхиттың арғы жағындағы алып мемлекеттегі қазақ делегациясының бұл сапардан еліміз бен жеріміз үшін, асыл дініміз үшін пайдалы болатын қомақты олжамен оралары сөзсіз. Алдағы кездесулер жайында сайтымыздан толығырақ оқып-біле аласыздар!

muslim.kz

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары