ҚМДБ - ның Қарағанды облысы бойынша «Жастар ісі» секторының өкілі, Қарағанды облыстық «Әнет баба» мешітінің наиб имамы Мұсабеков Нұржігіт Оразалыұлының қатысуымен Е. А. Бөкетов атындағы Қарағанды Мемлекеттік университетінде "Ислам және отбасы" тақырыбында  студенттермен кездесу өткізілді. Кездесу барысында  дәстүрлі діннің құндылықтары және отбасындағы ер мен әйелдің төлі туралы маңызды ақпараттар айтылды. Студенттердің дінге қатысты және ислами отбасы құру жөніндегі көкейлерінде жүрген сұрақтарға жауап берілді. Жиырмаға жуық студент қатысқан жиында қызу пікірталас орын алып, болашақ мамандар осы діни мәселе жайында өз ойларын жеткізіп, діни білімді дұрыс жолмен алудың бағыттарын сұрады.