Сауд Арабиясында 35 жылдан кейін алғаш рет қоғамдық кинотеатр қайта ашылып отыр. 18-сәуірде Эр-Риядта қаласында қайта жұмыс істей бастайтын жаңа кинотеатрда бұл күні режиссер Райан Куглердің "Қара қабылан" фильмін көрсетілмек.
Бұған дейін Сауд Арабиясыбилігі АҚШ-тың AMC Entertainment Holdings Inc. компаниясымен келісім-шарт жасасқан болатын. Компания бес жыл ішінде корольдік аумағында 40 кинотеатр ашуға уәде берсе, ал 2030 жылға таман кинотеатрлардың жалпы саны 350-ге жетпек. Айта кетейік, көрерменге ұсыналытын фильмдердің барлығы арнайы тексеруден өтетін болады.
Кинотеатрлар мен басқа да ойын-сауық мекемелеріне Сауд Арабиясында 80-жылдары тыйым салынған болатын. 2017 жылы таққа отырған Сальман бен Абдель Әзиз Әл Сауд әйелдерге автокөлік жүргізуге салынған тыйымның күшін жойды. Олар енді қоғамдық орындар мен стадиондарға бара алады.
Пікірлер