Саран қаласында "Жастар арасындағы діни экмтремизімнің алдын алу" атты кездесу өтті. Аталмыш ақпараттық кездесуге Саран қаласының студенттері қатысты. Мұнда қазіргі қоғамымызда орын алып жатқан келеңсіздіктер, жат ағымның жетегінде кеткен қазақ жастарының қателігін кейінгі ізде келе жатқан қара көздерге анық көрсетіп, экстремизімнің алдын алу жайында мәселе қозғалды. Сондай ақ, Қарағанды облысы бойынша "Әйелдер қыздар" секторының басшысы, Қарағанды облыстық "Әнет баба" мешітінің ұстазы Бакирова Арай жастарға өзінің уағыз насихатын айтып, дәріс оқыды. Аймағымызда өтіп жатқан  пайдасы орасан іс шаралардың бірі осы десек те болады. Себебі бүгінгі жастар ертеңгі елдің болашағы. Ал, олардың дін мен ділін, ата дәстүр салтын жетік меңгеріп, дұрыс меңгеруі бүгінгі дін мен қоғам кызметкерлерінің қолында. Ендеше, еліміздің еңсесін түзеп, рухани құндылықтарға сусындататын осындай игі шаралар өз жалғасын таба бергей.