БҰҰ-ның бас хатшысы Антониу Гуттереш Иорданияда өткен Араб елдері лигасының 28-саммитінің ашылу салтанатында қасиетті Құран аяттарын үзінді келтіріп, сөз сөйледі. Айта кетейік, жақын күндері 16 араб мемлекетінің басшысы бас қосып, бірқатар маңызды мәселелер талқыланған болатын.

Босқындар жайын айта келіп, «Тәубе» сүресінің 6-алтыншы аятымен өз сөзін қорытындылады: «Егер мүшріктерден біреу сенен пана тілесе, онда оған Алланың сөзін тыңдағанға дейін пана бер. Сонан соң оны бейбіт орнына жеткіз».

Осылайша, БҰҰ-ның басшысы саммит қатысушыларына мұқтаж жандарға бөліп-жармастан теңдей қарау керектігін ескертіп өтті.