Тілдік нұсқа
Радио

Жаңалықтар

АЗАН ОҚЫҒАНЫ ҮШІН ИМАМҒА АЙЫППҰЛ САЛЫНДЫ
21 қараша, 2016 жыл 635 Басып шығару нұсқасы

Израильдің Е-Лод елді мекенінің әкімдігі осы қаладағы арабтардың қоныс тепкен Әш-Шәнир шағынауданындағы әд-Да'уа мешітінің имамы Махмуд әл-Фарға колонкадан азан оқығаны үшін 200 доллар көлемінде айыппұл салды. Бұл жайында имамның ағасы осы елдімекендегі ән-Нұр мешітінің имамы Әліл әл-Фар «Анадолы» ақпарат агенттігіне мәлімдеді. «Бұл жазаны әкімдік еш ескертпестен салып отыр», – дейді әл-Фар. Айыппұл салуға сол маңайда тұрып жатқан яһудилердің «азанның дауысы мазамызды алды» деген шағымдары себеп болған.

Осы жерде айта кетуіміз керек, өткен аптаға дейін Израиль Парламентінде (Кнессет) азанды колонкадан шығаруға тыйым салатын заң жобасы талқыланып келіп, талқылау кейінге қалдырылды. Бұған наразылық ретінде Ахмет әт-Тыби мен Әбу Арар есімді екі араб депутаты заң жобасын талқылау барысында Кнессетте азан оқыған болатын. Ал әд-Да'уа мешітінің имамы Махмуд әл-Фарға салынған айыппұл басқа бір заңды негізге алып отыр-мыс.

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары