Ташкент қаласындағы «Ислам әке» мешітінде осы аптада алғаш рет жұма намазы оқылды. Алла үйі былтыр өртеніп кетіп, жарамсыз болып қалған. Қайта жөндеу жұмыстарынан кейін, ел игілігіне жарап, Өзбекстанның бірінші Президенті Ислам Каримовтың есімі берілді. Мешітте 600-ге жуық жамағатқа орын бар. Мешіттің бұрынғы атауы «Жорабек». 2015 жылы тілсіз жаудың салдарынан қасиетті үйдің күл-талқаны шыққан. Ал Алла үйін қайта орнына келтіруге Каримовтың қызы Лола қаржылай жәрдем берді.
Пікірлер