Ендi ресми түрде некелескеннен кейiн ғана мешiтте неке қиюға болады. Бұл туралы ҚР Дiн iстерi және азаматтық қоғам министрлiгi Дiн iстерi комитетi төрағасының орынбасары Ғабит Абзалбек «Әйелдер ұйымдарының жастар арасында дiни экстремизмнiң алдын алудағы рөлi» тақырыбындағы республикалық ғылыми-тәжiрибелiк конферециясы барысында мәлiмдедi, деп хабарлайды Baq.kz тiлшiсi.

Бұл үрдістің Қазақстан мешіттерінде қолға алынғанына біраз жыл болды. Түрлі түсініспеушілік туындағаннан кейін, Қазақстан мұсылмандары діни басқармасы осындай шектеу қойған болатын. Енді Дін істері министрі бұл туралы  халыққа ресми түрде хабарлады. Бұдан былай мешіттерде неке Әдiлет органдары берген куәлiк көрсетілгеннен кейiн ғана қиылады. Мұндағы мақсат Алла алдындағы ақ некені ойыншыққа айналдырғандарға құрықтау салу. Түрлі экстремизм мен терроризмнің алдын алу.