Соңғы 5 жылда Британия аймағына үлкендердің жетектеуінсіз 9287 босқын балалар келіп жеткен. Олардың барлығы әлі кәмелет жасқа толмаған бүлдіршіндер. Соғыс аймағынан қашып құтылған балалар асырап алғысы келген отбасылар мен балалар үйіне үлестірілді. Алайда, осы аралықта 360 бала ізім ғайып жоғалып кеткен.

Биліктегілер жоғалғандар адам саудасымен айналысатындардың уысына түсті ме, не болмаса зорлық-зомбылыққа душар болды ма деп үрейленіп отыр. Одан өзге балалар соғыстың әсерінен психологиялық ауытқу алып қашып кетуі де мүмкін.

 Англияның балалар комиссары Анна Лонгфилд өкіметке хабар-ошарсыз кеткен балаларға тез арада іздеу салу керектігін айтып, өтініш білдірді.