Қырғыз билігі жұмыс күні жұма намазын өтеуде туындайтын келеңсіздікті шешуге көшті. Мұсылман қауымы күндердің ұлысы – Жұмада мешітке бару үшін ел парламенті түстену уақытын дәл осы күні екіге дейін созуды қарастыруда. Тиісті заң жобасын «Онугуу-Прогресс» фракциясының депутаты Тазабек Икрамов әзірледі.
Жоба Ата заңның жұмыс күніндегі үзіліс уақыты туралы айтылатын 110-бабына «Жұмыс уақыты аралығындағы демалуға, ас ішуге және діни рәсімдерді орындауға арналған үзіліс» деп өзгертуді ұсынып отыр.
«Жұма күні түскі үзіліс уақытын 13:00-ден 14:00-ге дейін ұзарту басшылық пен жұмыскер арасындағы келеңсіздіктің тумауына да септігін тигізеді», - дейді жаңа жоба жетекшілері.
Түскі үзіліс уақыты бір сағатқа созылатын болса, жұма күні жұмыс уақыты әдеттегідей 18:00 емес, 19:00 аяқталатын болады.
Бұл ретте аталмыш заң жедел қызмет көрсету орындары, әскердегілерге және жалпы білім беру мектептері мен университеттерге қатысы жоқ.
Суретте: Қырғыстанның президенті Алмазбек Атамбаев
Пікірлер