Палестиналық Сахер әл-Кааби  Осман стиліндегі Құранның алғашқы көшірмесін аяқтауға шақ қалды. Қасиетті кітап Иерусалимдегі  әл-Ақса мешітінің құрметіне  «Құран әл-Ақса» деп аталатын болады.  Бұдан бөлек, әл-Кааби 2014 жылдың ақпан айында Палестина президенті Махмұд Аббастан Құранның Османдық көшірмесін жасауға тапсырма алып қойған. Каллиграф қасиетті кітапқа күніне 15 сағатын арнайды. Әрбір бетке кем дегенде 24 сағат уақыт кетеді екен. Сахер әл-Кабби еңбегін осы жылдың соңына дейін аяқтауды көздеп отыр.  Дайын Құран Каирдағы  әл-Азхар университеті ғалымдарының тексерісінен өткеннен кейін палестиналық билік өкілдері мың дана етіп көшіріп, әлемге таратпақ.