Ахмад Ганем есімді 22 жасар кәсіпкер мұсылман әйелдері үшін «әмбебап» хиджаб түрін ойлап тапты. Матаның өздігінен салқындататын, су өткізбейтін, терлетпейтін ерекшелігі бар. Ахмад Ганем екі жыл зерттеу жүргізіп, құрама нейлон матасына тоқтаған. Ол сырттан келетін әр түрлі әсердің 80%-ын өткізбейді әрі ультракүлгін сәулелерінен қорғайды. Арнайы матадан тігілген «салқындық пен құрғақтық» деп аталатын орамал әдеттегі орамалдарға қарағанда жеті-сегіз градустан төмен температураны қамтамасыз етеді. Кәсіпкердің өзі:  «Көшеде қанша градус ыстық болатыны енді маңызды емес. Әрбір қыз баласы бұл орамалды мақтана тағатын болады. Біздің мақсатымыз қыздарға қолайлы жағдай жасау»,-деді.