Татарстан Президенті Рустам Минниханов ВЭБ және «Сбербанктің» Ресейде ислам банкингін дамытуға қызығушылық танытып отырғанын хабарлады. Ол өз хабарламасында: «Бүгінгі күні осы мәселені «Сбербанк» жан-жақты қарастыруда. Көптеген банкте пайдалануға болатын механизмдер бар. Алайда, Ресейге қойылған қаржылық шектеулерді ескерсек ислам банкингінің механизмдерін пайдалану тиімді болмақ. Ислам банкингін толықтай дамыту үшін заңнамаға өзгеріс енгізу қажет», -деді. Биылғы жылдың басында Ресей банктері жанындағы жұмыс тобы елде ислам банкингін енгізу бойынша «жол картасын» бекіткен болатын. Бұл процесс Татарстаннан басталған. Жақында Қазан қаласында Ресейдегі алғашқы ислам нормаларына сай жұмыс істейтін банкинг орталығы ашылды.
Пікірлер