Францияның ең көне және ең ірі саяси академиясы болып есептелінетін Sciences po Paris университетінде орамал тағатын қыздарды қолдау үшін «Орамал күні» (Хиджаб күні) деп аталатын іс-шара ұйымдастырылды.
Шараға атсалысқан студенттер университетке кіре берісте тегін шәлілер таратып, орамал тақпайтын қыздарға да осы күні орамал тағып жүруін өтінді. Бұл әрекетті университеттегі біраз еркектердің де қолдайтындықтары байқалды.«Орамал күні» акциясының мақсаты мұсылман немесе мұсылман емес деп бөлінуден сақтанып, керісінше исламнан қорқып, орамал тағып бүркенген қызды көргенде төбе шашы тік тұратын жандарға исламның қандай дін екендігі, орамалды не үшін тағатындары жайлы түсіндіру болды.
Шараға атсалысып, күнделікті өмірде де орамал тағатын Соня есімді магистрант студент Францияның әйелдер құқығын қорғау министрінің бізді АҚШ-тағы құлдықты қабылдаған қара нәсілділерге теңеген сөзіне беретін жауабымыз «Орамал күнін» ұйымдастыру деді. Сондай-ақ, өзі православ отбасынан шыққанымен мұсылман достары көп бір студент: «Ешкім әйелдердің (қыздардың) не киетініне кедергі келтірмеуі тиіс. Орамал тағатын қыздар сынға ұшарап жатқанда, көшеге жалаңаштанып шығатын қыздарға еш нәрсе делінбеуі хақсыздық деп өз ойын білдірген.