Катар әлемдегі ең қауіпсіз мемлекеттер арасында екінші орынды иеленді. Бірінші орынды Сингапур алған. Катар 24 мемлекеттің ішінде рейтингке іліккен жалғыз араб елі болып тұр.

Швейцарияның Golden Visa консалтингтік компаниясы жасаған бұл рейтингте  қауіпсіздіктің оншақты параметрі ескерілген. Атап айтқанда теракт жасау қаупі,  жұмыссыздық деңгейі, экологиялық жағдай, сондай-ақ түрлі апаттардың саны мен орын алу мүмкіндігі және т.б.

Рейтингте үшінші орынды Швейцария алған. Одан кейін тізім бойынша Дания, Германия, Жапония мен Австрия орналасқан.