Тілдік нұсқа
Радио

Жаңалықтар

ҚМДБ: Олимпиаданың бас жүлдегерлері қажылыққа жолдама алды (ФОТО)
12 наурыз, 2016 жыл 11 Басып шығару нұсқасы
Кеше Қазақстан мұсылмандары діни басқармасының ұйымдастыруымен Алматы қаласында басталған ІІ республикалық медресеаралық олимпида өз мәресіне жетті.

Сонымен, қазылар алқасының шешімімен, Елордамыздағы «Нұр Астана» медресесінің 3 курс шәкірті Қуаныш Серіков жүзден жүйрік атанып, бас жүлдегер атанды.

Бас мүфти Ержан қажы Малғажыұлы бас жүлде иесі Қуаныш Файзоллаұлына үлкен қажылыққа тегін жолдаманы салтанатты түрде табыстады.

Сонымен қатар, «Сарыағаш» медресесінің 2 курс шәкірті Дана Оңалбайқызы да бас жүлдені иемденіп, жеңіс тұғырынан көрінді. Дана Оңалбайқызына кіші қажылықтың тегін жолдамасы берілді.

Олимпиаданың жабылу салтанатында сөз алған Бас мүфти Ержан қажы Малғажыұлы: «Алла Тағала жүлделеріңізді берекелі етіп, баршамыздың білімімізді арттырғай. Екі күндік олимпиадаға қатысқан 110 шәкірттің бәрі де жеңіске жетті деп есептеймін. Өйткені, жарысқа қатысушы жан-жақты дайындалады. Алған білімін қайталап, пысықтайды», – деді.

Бас жүлде иегерлері – Қуаныш Серіков пен Дана Оңалбайқызы ақида-фиқһ, Құран тәжуиді, араб тілі бойынша сұрақтарға жауап беріп, ең жоғары баллдық көрсеткішке ие болды.

Марапаттау рәсімінде І орынға 100 мың, ІІ орынға 70 мың, ІІІ орынға 50 мың теңге ақшалай сыйлық табыс етілді.

muftyat.kz


[gallery columns="1" link="file" size="full" ids="23433,23437,23436,23435,23434,23438"]

Пікірлер

Поле не должно быть пустым!
Комментарий отправлен на модерацию.
    бас мүфти блогы бас мүфти блогы

    Күнтізбе

    Жоғары