Елбасы Н.Ә.Назарбаев айтқандай «Елдің болашағы – білікті жастар». Осыған орай ҚМДБ қазіргі білімді де, білікті жастарға ден қойып, көңіл бөлуде. Атап айтқанда Бас мүфти Ержан қажы Малғажыұлының тапсырмасы бойынша жыл бойы қайырымдылық шараларын жан-жақты өткізу жоспарланып отыр. Бұған дейін «Мектепке жол» атты тақырыпта акциялар өткен болатын. Қазіргі танда Қарағанды облысы бойынша «Жастар – ел болашағы» атты акция жарияланды. Осыған байланысты, Қарағанды облысы Шахтинск қалалық мәдениет үйінде мектеп оқушыларымен және ішкі саясат басшысы: С.О.Нұрмаганова православ дін өкілінің мүшесі: Д.Н. Патрикеев Шахтинск қалалық «Нұр» мешітінің уақытша міндет атқарушы наиб имамы Ибраев Асет және азаншысы Байкешев Нұрғалидің қатысуымен «Менің дінге деген көз қарасым» атты тақырыпта кездесу өтті. Кездесу барысында жастардың осы тақырыпта жазған мақалаларын тексеріп, бағаланды. Ең үздік мақалаларға сый-сыяпат беріліп марапатталды.
Пікірлер