Балқаш қаласы мешітінің шатырын жаңарту жұмысы аяқталды. Құрылыс жұмыстары тамыз айында басталған болатын. Бүгін де мешіттің негізгі бөлімі, қойма дерлік барлық бөлмелерінің үсті жабық. Бас имам Түсіпбеков Асылхан қажының бастамасымен қолға алынған құрылыс жұмысына жергілікті әкімдік тарапынан да қолдау көрсетілгенін айта кеткен абзал. Техникамен жабдықтауды толықтай өз мойнына алған «Жібек жолы» құрылыс фирмасының басшылары еш салғырттық танытқан жоқ. Ал құрылыс фирмасының мердігерлері дамылсыз еңбек етіп, шатыр жұмысы көзделген мерзімде аяқталды. Бірнеше жылдан бері тұрған қара қағаздар толықтай алынып тасталып, құрылысқа отандық өнімдер, яғни соңғы үлгідегі материалдар пайдаланылды. Енді күздің жауыны мен қыстың қары мешіт жамағатына қиын жағдай тудырмайды.
Асылхан қажы Рахымжанұлының қолға алған игілікті ісі тек бұл емес. Мешіттің іші-сырты, күмбезі де жылда әрленіп отырады. Балқаш қаласы мешітінің тарихында қалатын бұл іс Алланың қалауымен ешқандай қиындықсыз аяқталды. Қыс бітіп, көктем келгенде қар еріп, шатырдан сырғалап ағатын су қабырғаларды да құртатын. Енді ол жағдай өткеннің еншісінде. Мешіт жамағаты қуанышқа ортақтасып, ғибраттарын молайта түскен. Балқаш жұрты бас имамға дән риза.
Балқаш қаласы мешітінің баспасөз қызметі
Пікірлер