Қазақстан Мұсылмандары діни басқармасының Қарағанды облысы бойынша өкіл имамы Өмірзақ қажы Қазкенұлының қайырымдылық турасында берген тапсырмасы бойынша іс-шара Саран қалалық мешітінде өз жалғасын тапты. «Жетім көрсең жебей жүр», «Қайырымдылық – қадірлі іс» деген дана бабалардың ұлағатты да, тәлім-тағылымы мол сөздерін ескеріп, Саран қалалық мешітінің бас имамы Саликов Мұхамметқали қажы қолынан келгенінше аянбай іс-шараға ат салысты. Бас имам Саран қаласында тұратын I-топтағы мүгедек Кушелекова Гүлжаз атты қыз баланың үйіне барып, үйге қажетті азық-түліктермен қамтамасыз етті. Өзінің әрі әке-шешесінің көздеріне қуаныш ұялатты. Сабырлылық пен қайырымдылық жөнінде сұхбат жүргізіп, жүректеріне рухани нұр силады. Осы игі шараның Саран қалалық мешітінде әлі де жалғасын табатындығын бас имам айтып өтті.

Саран мешіті