Қарағанды облыстық орталық мешітінің бастамасымен жылдағы дәстүрге айналған «Мектепке жол» акциясы Саран қаласында кезекті жалғасын тапты. «Жетім көрсең жебей жүр» деген халық даналығын баса назарына алған мешіттің бас имамы Саликов Мұхамметқали қажы қолынан келгенінше мұқтаж жандарға көмек қолын созуды өзінің азаматтық борышы деп санайды. Осыған орай Саран қалалық мешіті 8 көпбалалы отбасыларға және жетім балаларға қамқорлық жасады. Түрлі жастағы мектеп оқушыларына оқуға қажетті құрал- жабдықтарын сыйлап, ата – аналары мен балалардың жүздеріне мейірімділік ұялатты. Осы игі шараның арқасында бас имам және мешіт қызметкерлері де шаттыққа кенеліп, жүректе жылу сезім пайда болды .

Саран мешіті