ҚМДБ-ның Қарағанды өңірі бойынша өкіл имамы Өмірзақ қажы Қазкенұлының  имамдарға жүктеген бірқатар тапсырмалары жемісті жұмыстарды еңсеріп келеді. Соның бірі Теміртау қалалық мешітінде өткізіліп жатқан сауат ашу курсының жұмысы. Мешітттің наиб имамдары дәрісті күніне екі мезгілде бөліп өткізеді. Діни ілімге қызыққан  шәкірттерімізге    ақида, фиқh, құран, тәджуид, араб тілінен  дәрістер өткізілуде.  Жалпы жасы кіші балаларға  қысқа сүрелер, үлкенге құрмет көрсету, жақсылық жасау, әдепті болу сынды исламның негіздері үйретілуде.

Әбу Мағсуд Уқба ибн Амр әл-Ансариден (р.а.) жеткен хадисінде: «Алла елшісі (с.ғ.с) «Кімде-кім бір игі істі бастап өзгеге үлгі болса, өзінен кейін сол істі істегеннің  сауабындай сауап алады», - деп айтқан екен». Бүгінде жас буындарға үйретіліп жатқан ілімдерді Алла Тағала қайырымен берсін.