Исламда балаға тәлімді тәрбие беріп, өсіруге аса көңіл бөлген. Жастайынан мұсылмандықтың игі қасиеттерін бойына сіңдіріп, ұлттық ізгіліктерді барынша үйреткен. Осындай дәстүрлі жолды қазіргі қазақ қоғамы да жалғастыруда. Таяуда қаламыздағы Есту қабілеті зақымданған балаларға арналған арнайы мектеп-интернатының балалары жетекшілерімен Қарағанды облыстық орталық мешітіне келіп, сәулетті мештімізге саяхат жасады. Облыстық мешіттің наиб имамы Серік Құрманов арнайы қыдырып келген қонақтарымызды мешіт ішімен толық таныстырып, асыл дініміз жайында кеңінен мағұлматтар берді. Сондай-ақ балаларға мешіт сайты таныстырылып, сайттың бөлімдерін, айдарларын оқып тұруға кеңес берді.
Пікірлер