ҚМДБ-ның Қарағанды өңірі бойынша өкіл имамы Өмірзақ қажы Қазкенұлының тапсырмасымен Қарағанды облыстық орталық мешіттің наиб имамы Серік Құрманов  Шет ауданы «Жанқұтты би» мешітіне   арнайы келіп  басқару, бақылау жұмыстары туралы бас имамның есебін тыңдады. «Жанқұтты би» атындағы мешіттің бас имамы Берік Алпысбайұлы жыл басынан бері өткізіліп келген уағыз-насихат жайында, мектеп  оқушылармен кездесу, қайырымдылық шаралары, шәкірт тәрбиелеу ісі, бекіткен кесте бойынша уағыз-насихаттың өткізілуі, апталық есеп т.б  бірқатар шаруаларды ретімен түсіндіріп, есеп жүргізді. Ары қарай алдағы уақытта атқарылатын діни іс-шаралар жоспарларымен таныстырды. Соңында наиб имам Серік Құрманов молдалардың  жұмыстарына сәттілік тілеп, бата берді.