Еліміздің барлық өңірлерінде өткен «Мектепке жол» қайырымдылық акциясы Шашубай кентінің мектебінде де жалғасын тапты. Бұл игі шара жыл сайын тамыз айында өтеді. Биылда еліміз бойынша 1-ші тамыздан бастап қарқынды жүргізіліп келеді. Шараны өткізудегі басты мақсат – жаңа оқу жылы қарсаңында балалардың мектепке баруына кішігірім көмек көрсету, балаларға қуаныш, мейірім сыйлау. Аталмыш іс-шараға қаламыздың ардақтылары қатысып, балаларға сый-сияпаттар көрсетілді. Балқаш қалалық мешітінің бас имамы Түсіпбеков Асылхан қажы Рахымжанұлы мектепке барушы бүлдіршіндерге оқуда озат болыңдар деген ізгі тілегімен мектепке қажетті құрал-жабдықтарын әр біріне үлестіріп берді.
Пікірлер