Алда келе жатқан әз-наурыз мерекесінің қарсаңында Шет ауданына қарасты Ақадыр кенті «Иса молла» мешітінде дін мен дәстүр сабақтастығы аясында тұсау кесу рәсімі болып өтті.

Ұлттық дәстүрлерімізді жаңғырту һәм насихаттау мақсатында ұйымдастырылған шараға мешіт имамы Азамат Серікұлы арнайы  қатысты.

Шара барысында  Алла үйіне арнайы келген ата-ана мешіт имамына тәй-тәй басқан бөбектерінің  тұсауын кестіріп, ақ батасын алды.

Тұсау кескен жанның кәде сыйы ретінде қуаныш иелері мешіт имамына сый-сияпат жасап, иығына қазақы шапан жапты.

Қарағанды облысы бойынша баспасөз қызметі