Жаратушының назарына іліну үлкен бақыт. Алла Тағала қалаған құлының жүрегіне Өзіне деген махаббатын оятып, исламды ұқтырып қояды. Бүгін сондай бақытқа ие болып отырған азамат Қарағанды қалалық «Бала қажы» мешітіне келіп, кәлима-шаһадат айтып, Алланың жалғыз екендігіне және Мұхаммедтің Оның елшісі әрі құлы екеніне куәлік етті.

Мешіттің имамы Заметдинов Марғұлан Жұмабайұлы Ильяның мұсылман болуымен құттықтап, ислами құндылықтар туралы ақпарат берді.

Алла Тағала ислам дініміздің кеңінен қанат жаюына сіз бен бізді себепкер етіп қойсын! Дініміз көркейіп, Мұхаммед пайғамбардың (Оған Алланың игілігі мен сәлемі болсын) үмбетінің саны арта бергей!