Теміртау орталық мешіті балаларды қуантты 
 
Әлихан Бөкейхан атындағы Теміртау орталық мешіті Құрбан айт мерекесіне орай балаларға сыйлық жасады. Теміртау қаласының Бас имамы Естай Айтуғанұлы бастаған мешіт имамдары бүлдіршіндерге жалпы діни мерекелердің мән-маңызын түсіндіре келе, арнайы дайындалған сыйлық қорапшаларын үлестірді. 
 
Алла үйіне балаларын ертіп келген ата-аналар да бұл бастаманы қолға алып отырған мешіт ұжымына алғыстарын айтып, ризашылықтарын білдірді. 
 
Айта кетсек, аталмыш игі шара мұсылман мерекелерінің қуанышын балаларға сезіндіру мақсатында ұйымдастырылып отыр.