Ерте кезде садақ ату мен мергендік өнер бір сөзбен айтқанда, ұлыстың бекемдігі үшін баға жетпес құндылық саналған. Сондықтан көшпелі халқымыз ер баланы жастайы­нан садақ ұстауға баулып, елін қорғауға тәрбиелеген.
Қарағанды қалалық "Қазыбек би" мешітіне садақ атудан дәріс өтті. Арнайы шараға мешіт жамағаты мен жазғы "Имани жаз" сауат ашу курсының шәкірттері қатысты. Игі шараның басты мақсаты жас жеткіншектерді спортқа баулу, сондай-ақ көңілдері сергітіп, оқуға деген ынталарын ашу.