⠀
Әлихан Бөкейхан атындағы Теміртау орталық мешіті мен Жақып Ақбай атындағы қалалық мешітте Қазақстан мұсылмандары діни басқармасы тарапынан қолға алынған бастама негізінде «Рамазан сыйы» атты ауқымды қайырымдылық шарасы болып өтті.⠀
⠀
Қасиетті айдың құрметіне 250 мұқтаж отбасыға азық-түлік таратылып, қаржылай көмек көрсетілді. Мешіт жанынан құрылған «Sauap» еріктілер орталығы азық-түлік салынған арнайы сөмкелерді мұқтаж отбасылардың мекен-жайларына дейін жеткізіп берді.⠀
⠀
Сондай-ақ, Теміртау қаласының Бас имамы Естай Айтуғанұлы жиналған жұртшылықты алда келе жатқан Ораза айт мейрамымен құттықтап, ізгі тілегін білдірді. ⠀
⠀
Айта кетсек, аталмыш қайырымдылық шарасы пітір садақасының есебінен жүзеге асып отыр.