«Бала қажы» мешітінде рамазанның соңғы түнінде Құран Хатым түсіріліп, хатым дұғасы оқылды. Хатым дұғасын жасауға Қарағанды облысының өкіл имамы Бекқожа Өмірзақ қажы Қазкенұлы арнайы келіп, еліміз, халқымыз үшін дұға жасады. «Бала қажы» мешітінің бас  Махмуд қажы Нурұлы Құран хатым түсіруге арнайы қариды шақыртқан болатын.  ҚАУАМ АД-ДИН АЛЬ-ИТКАНИ АЛЬ-ФАРАБИ АТ-ТУРКЕСТАНИ Құран жаттау орталығының қари шәкірті Сейфуллин Темірлан Даниярлы 30 күн бойы мешіт жамағатына тарауих намазын оқып, Құран хатым түсірген болатын. Мешіт жамағаты атынан үлкен құрмет көрсетіліп, қариға сый-сияпат берілді. Дән риза болған ақсақалдар ақ батасын жаудырды.