Қасиетті Рамазан-қайырымдылық айы. Берекелі айдың алғашқы күнінінен бастап Қарағанды облысына қарасты барлық мешітерде түрлі игі шаралар жүзеге асуда. Соның бірі бүгін «Қазыбек би» мешітінде жүзеге асып, қадір түнінде  мешіт наиб имамы Олжабек Мурсалиге пәтердің кілті табысталды. Игі шараға дін жанашырлары мен мешіт жамағаты ат салысты. Баспананың кілтін «Әнет баба» мешітінің наиб имамы Дархан Асылтайұлы және Қарағанды қалалық «Қазыбек би» мешітінің имамы Абдрахманов Ысқақ Рахимбекұлы табыстады. Сонымен қатар, баспаналы болған дін қызметкеріне алдағы қызметіне табыс пен береке тіледі.