Жылдағы үрдіс бойынша қасиетті Рамазан айының алғашқы күндерінен бастап Қарағанды облыстық «Әнет баба» мешітінде күн сайын жамағаты арасында Құран хатым етіліп, бүгін толығымен аяқталды. Құрани Кәрімді бір ай бойы облыстық мешіттің наиб имамы  Темірханов Асылхан Нұртайұлы түсіріп,  соңында Қарағанды облысының бас имамы Өмірзақ қажы Қазкенұлы  батасын берді. Қасиетті Қадір түнінің қарсаңында аяқталған Құран хатымнан соң ақсақалдар алғыстарын айтып, ризашылықтарын білдірді. Бата жасап, Алладан медеу, пайғамбардан (Оған Алланың игілігі мен сәлемі болсын)  шапағат тілеп тарқасты.