Қарағанды облысы,  Абай қалалық  мешітінде әр апта «Таза қала» атты сенбілік ұйымдастырылуда. Шара барысында Абай ауданының имамы Аманбол қажы Рымқұлұлы мешіт жамағатына тазалық туралы уағыз насихат жүргізді. «Тазалық иманның жартысы»,-деген қағиданы ұстанған мешіт жамағаты әр сенбі күндері қаланың тазалығына үлес қосып, сауапты амалды атқаруды қолға алған.

Алдымен мешіт айналасына тазалық жүргізген мешіт белсенділері келесі апта қаланың көрікті жерлерімен тағыда басқа мекемелерге тазалық жұмыстарын жалғастырды. Шараның басты мақсаты қаланы таза ұстап, қоршаған ортаның тазалығына ат салысу.