Қасиетті Рамазан айы таспихтер тартылып, мешіттерде таруих намаздарын жамағатпен оқып, құран хатым түсірілетін ай. Осы айдың шарапатымен барлық амалдарымыздың сауабы еселене түседі. Жылдағы үрдіс бойынша қасиетті Рамазан айының алғашқы күндерінен бастап Қарағанды облыстық «Әнет баба» мешітінде әйелдер жамағаты арасында Құран хатым басталды. Құрани Кәрімді облыстық мешіттің ұстазы Арай Серғалиқызы түсіріп, соңында әйелдер жамағатына бата берді. Рухани шара Рамазан айының аяғына дейін жалғасып, Құран толық хатым етілетін болады.