Алла иманды тек таңдаулы құлына ғана сыйлайды. Бүгінде Ислам дініне бет бұрушылардың саны күн санап артып келеді.  Қарағанды облыстық «Әнет баба» мешітіне келген Вячеслав есімді жігіт Ислам дінінің ақиқаттығына көз жеткізіп, Ислам дінін қабылдайтынын білдіріп мешітімізге келді. Осындай ағынан жарылып келген жанды  мешіт ұстазы  Нұрбол Әділмұрат оның дінге келудегі мақсатын сұрап, оған Ислам діні туралы уағыз айтты.

Ислам діні жүрегіне жақын болып, өзінің шынайы мұсылман болуға деген талпынысы бар екенін байқаған Славаға  мешіттің найб имамы кәлима шахадатты айтқызып,  Ислам дініндегі бес парызды түсіндірді. Сондай-ақ, азан шақырып, есімін Муса  деп өзгертті.