Қазақстан Республикасы Тәуелсіздігінің 30 жылдығына орай Қарағанды өңірінде конфессияаралық келісімді насихаттау, діни сауаттылықты арттыру бағытында қызмет атқарып жүрген бір топ азаматтар марапатталды.
Қарағанды облысы Дін істері басқармасының ұйымдастыруымен үлкен жиын өтіп, оған дін саласындағы мемлекеттік саясатты насихаттауда елеулі үлес қосып жүрген үздік қызметкерлер жиылды. Салтанатты жиынның мақсаты - ұлт болашағына бүгіннен жол бастап, рухани үйлесімділіктің орнығуы мен діни ахуалдың тұрақтауы жолында қызмет етіп жүрген мамандарға қолдау көрсетіп, ризашылық білдіру.
Шара барысында ҚМДБ-ның Қарағанды қалалық «Қазыбек би» мешітінің имамы Абдрахманов Ысқақ Рахимбекұлына облыстық Дін істері басқармасының басшысы Халел Дулат Қанышұлы арнайы алғыс хат табыстап, үлкен ризашылығын білдірді.