Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен марқұмдардың басына белгі қойып, мазар салуды бірізіділікке түсіру мақсатында «Qamqor-Sharapat» салттық қызмет көрсету орталығы құрылып, Имамдардың IV республикалық онлайн форумында «Зират және зиярат мәдениеті» құжаты қабылданған болатын.  Осы орайда Қарағанды облысына қарасты Саран қаласындағы зираттар зиярат етіліп, «Жаназа және жерлеу рәсімдерін» бір ізділікке түсіру мақсатында түсіндіру жұмыстары жүргізілді.  Іс-шараға ҚМДБ-ның Қарағанды облыстық «Әнет баба» мешітінің наиб имамы Құмар Қоныскерей, «QAMQOR-SHARAPAT» салттық қызмет көрсету орталығының жауапты өкілі Бақдаулет Қыдырбайұлы, «Әнет баба» мешітінің молдасы Касимов Мирас Ерболұлы қатысты. Маңызды шара барысында мәйіт кебіндеуден бастап жерлеуге дейінгі маңызды рәсімдер түсіндірілді.