Қазіргі таңда базарлар мен дүкен сөрелерінде ұндардың түрлері көп. Түрлі өндірушілер мен сұрыптар арасында таңдау жасау қиынға соғады. Осы орайда, «Ақжайық» ұн өндіру цехы Халал Даму ЖШС – ның мамандарымен арнайы келісім жасап, халал стандарттарының талаптарына сай қызмет етуге өтініш білдірді. Бас мекемеден арнайы келген технолог мамандар Қарағанды қаласындағы аталмыш ұн зауытына тексеріс жұмыстарын жүргізі, арнайы құжат рәсімдеді. Цехтың қызмет барысымен танысып, мамандарға барлық ережелерді, санитарлық және стандарттық талаптарды түсіндірді.