«Өмірдің бір қызығы – бала»,- демекші «Жылы жүрек»  және «Бірлік» қайырымдылық қорлары Жезқазған қалалық “Ахмет Ишан Оразайұлы" мешітімен бірігіп  жүзге жуық мұқтаж балаларға қуаныш сыйлады. Атап айтқанда  Жезқазған және Сәтпаев қалаларының кішкентай бүлдіршіндеріне арнайы дастархан  жайылып, аниматорлар келіп ойын – сауық жүргізілді. Кеш соңында әр балаға тәтті беріліп,  сыйлықтар үлестіріліп, балалар дән риза болып қайтты. Осылай балаларға арналған мерекелік іс – шараны жоғары деңгейде жүзеге асыруға Жезқазған қаласының волонтері ат салысты.