Қарағанды облысының өкіл имамы Нұр-Мүбарак университетінің студенттерімен кездесті (фото)

Қарағанды облыстық «Әнет баба» мешітінің бас имамы Өмірзақ Қазкенұлы Бекқожа Алматы қаласындағы Нұр-Мүбарак университетінде болып, аймағымыздан білім алып студенттерімен кездесіп қайтты. 

Аталмыш жоғарғы оқу орнында Қарағанды өңірінен 60  студент тәлім алып, білім нәрімен сусындау үстінде.  Осыған орай, жылдағы үрдіс бойынша облысымыздың бас имамы Өмірзақ қажы Бекқожа университет студенттеріне қаржылай және рухани қолдау көрсетті. Сондай ақ, студенттермен кездесуге өкіл имаммен бірге Жезқазған қаласының бас имамы Тағаев Нұрбол Сайлауұлы және Сатпаев қаласының бас имамы Ақпаров Қондыбай имам қатысты. Демеушілік көмекке Қарағанды облысы бойынша “Зекет» қорпоративтік қоры үлкен үлесін қосты.   Сондай-ақ, Нұр-Мүбарак университетінің биылғы бітіруші түлектері  аймағымызға іс-тәжірибеден өтуге шақырылды. Кездесу соңында университет асханасында дастархан жайылып, өңіріміздің бас имамы Өмірзақ қажы Бекқожа студенттерге ізгі батасын берді.

Асыл дініміздің ертеңгі болашағы бүгінгі жастар. Жүрегі елім деп соққан жалынды жастарымыздың ертенгі болашағы бүгіннен басаталады. Алла Тағала барша білім жолында ізденген жандардың зейінін ашып, асыл дінімізді дамытудың биік белестерінен көрсеткей.

 

© 2009-2024, Қарағанды облыстық мешіті Сайт материалдарын қолдану үшін