Қарағанды облыстық «Әнет баба» мешітінде облыс өкіл имамы Өмірзақ қажы Бекқожа және «Жастар ісі» секторының өкілі Мұсабеков Нұржігіт Оразалыұлы жастармен кездесу өткізді. Кездесу барысында өкіл имам ислам дініне жаңадан бет бұрып келе жатқан жас буынға   ата дәстүр дініміздің асыл құндылықтары жайлы уағыз насихат айтты. Жастардың көкейінде жүрген түрлі сұрақтарға жауаптар берілді.

Қазіргі таңда дәстүрлі емес діни ағым мүшелерінің басым көпшілігі жастар. Сондытан,  олар ондай ағымдарға рухани азық іздеп кіріп жатқаны да қаперден шықпауы керек. Ұлттық құндылықтарды насихаттау, ата-баба дәстүрін ұлықтау арқылы да, елдің рухани байлығын мемлекеттік брендтерге айналдыру арқылы да жастарды дұрыс жолдан жыра кеткен ағымдардан құтқарып қалудағы бір тәсіл болып табылады. Осы орайда жастармен кездесу барысында Қарағанды облыстық «Әнет баба» мешітінің наиб имамы брошюралар таратып, жастарға ақпарат парақшаларын үлестірді. Онда ханафи мазхабы бойынша намаз оқу үлгісі, мазжаб ұстаудың мағыздылығы, жалпы ислам дініміз жайлы мәліметтер көрсетілген. Сонымен қатар, жастарды мешіт қабырғасындағы ұстаздар мен  сауат ашу орталығына келіп дәріс алуға үндеді.

Мұндай шараға тек қана дін қызметкері ғана емес, еліміздің әрбір азаматы ат салысуы қажет. Сонда ғана бейбіт еліміздің тыныштығы сақталып, қазақ даласы өркениетті, бірлігі берік, шаңырағы биік ел болады.