Қазақстан Мұсылмандары Діни Басқармасы төрағасының бірінші орынбасары, наиб мүфти Наурызбай қажы Тағанұлы Л.Н.Гумилев атындағы Еуразия ұлттық университеті студенттерімен кездесті.

Астана қаласы әкімдігінің «Дін проблемаларын зеттеу» орталығының ұйымдастыруымен өткен бұл кездесудің орны бөлек. Қазақстандағы ең үздік жоғары оқу орындарының санатындағы университет қабырғасында оқып жүрген студенттерге жат пиғылды діни ағымдардан сақтанудың жолдары жайлы ақпарат пен дін мәселелері бойынша кеңес алуды қамтамасыз ететін мамандардармен байланыста болу керектігі сөз болды. 

Осы шараны ұйымдастырушы мекеме атынан «Дін проблемаларын зеттеу» орталығы басшысының орынбасары Марат Дәлелханұлы және Еуразия ұлттық университеті әлеуметтік ғылымдар факультеті «Дінтану» кафедрасының доценті міндетін атқарушы Кеңшілік Тышқан қатысты.