Индонезияда имам жер сілкінуіне қарамастан намазын жалғастыра берді

5 тамызда Индонезияның Ломбок аралында кезекті қатты жер сілкіну болып өткені анықталған, зілзала салдарынан 90-нан астам адам қаза тауып, жүзден аса адам жарақат алған.

Жер сілкінудің алғашқы дүмпу магнитудасы 7,0 балды құраған, осы сәтте кейбір мұсылмандар мешітте намаз оқып жатқан болатын. Алайда осындай зілзала кезінде де мешіттің имамы намазын бұзбай, Қасиетті Құранның сүрелерін оқуын жалғастыра берген. Бұл сәт мешіттің бақылау камерасына түскен.