АҚШ-тың Миннесота штатындағы бір мешітке «ғибадатханаларыңды күлін көкке ұшырамын» деп қорқытып хат жіберген 57 жастағы Джордж Фишер есімді Америка азаматы тұтқындалып, 1 жылға бас бостандығынан айрылды.

АҚШ-тың Әділет министрлігі тарапынан жасалған мәлімдемеде бұл азамат 2015 жылдың қыркүйек айында да Миннеаполис қаласындағы «Тауфиқ Ислам орталығы» атты мешітке де хат жолдап, «мешіт ішіндегі барлық көшпенділерімен қосып ғибадатханаларыңды да күлін көкке ұшырам» деп қорқытқан екен. Оның мұндай кекшілдігі 11 қыркүйектегі оқиғадан кейін пайда болған. Сол себепті, терроризмнің осындай бір тәсіліне көшкен.