1) Әрбір әріп жеке-жеке салынған және әріптер бір-бірімен қосылмайды. Оқуға жеңіл

Хәрәкалар біркелкі бірдеңгейде салынған.

2) Халықаралық стандарт. Құран Кәрімнің жаңа басылымы халықаралық стандартқа сай шығарылған. Басылым 30 жүзге бөлінген, әрбір жүз 20 парақтан тұрады. Әрбір парақта 15 аяттан жазылған.Әрбір жүз 4-ке бөлінген. Аяттар беттің соңында аяқталады.

3) Оқылуының тәсілдері. Жиегінде кейбір сөздердің оқылуы ең көп таралған екі қырағат бойынша келтірілген. "Хафс 'ән 'Асим" - "Шатибия" және "Тайибати нашр".

4) Фиқһ. "Әл-Фатиха" сүресінің аяттары Құранның жаңа басылымында Ханафи мазхабына сәйкес жазылған.Сәжде-тиләуәт те Ханафи мазхабына сай 14 жерде көрсетілген.

5) Жеңіл оқылуы. Құранды жеңіл әрі тез оқу үшін жаңа басылымында бірнеше өзгерістер енгізілді. 

"Мадд" ережесі

"Нун сукун" және "тәнуин" ережесі

"Сөз арасын қосатын хамза" ережесі

"Тәксир тәнуин" ережесі. Бұл ереже Қасиетті кітапта қызыл түспен көрсетіліп отырады.

Аяттарды бөлетін символдар аяттардан үзілместен бірге жазылып отырады. Келесі жолға ауыспайды.

6) Оңай әрі тез жаттау үшін Құранға бірнеше ерекше өзгерістер енгізілген. Құранның жүзі мен жүз бөліктерін жылдам әрі оңай тауып алу үшін сандармен көрсетілген. Сондай-ақ, әрбір парақ соңында келесі беттегі аяттың басы келтірілген. Бұл Құранды толықтай жаттаймын деген хафиздер үшін аятты үзбестен жаттауға пайдасы тиетіні сөзсіз. 

7) Әрбір аят атауының қасында қосымша ақпарат ретінде сол сүренің қай жерде түскені және қанша аяттан тұратындығы жазылған. Сол мәліметке қарап, Құранды оқып отырған адам сүренің Мекке де түскенін, әлде Медине де түскенін біле алады. 

Міне, осындай мәліметтерімен 7 ерекшелігі бар жаңа Құран басылымы жақында алғаш рет Қазан қаласында таныстырылған.