Қасиетті Рамазан айының басынан бері Иордан өзенінің солтүстік-батыс жағалауын мекен ететін мыңдаған палестиналықтар сусыз отыр. Су келетін құбырларды жауып тастаған  Израильдің  «Мекорот» су компаниясы.   Енді Дженин провинциясындағы Наблустың кейбір ауылдық жерлері мен Сальфит қаласы мен ауылдары сусыз  өмір сүруге мәжбүр.

Дженин қаласының басшысы Раджеб қажы Хасанның айтуынша компания жергілікті халыққа ескертпей суды ағытып тастаған. «Жағдай қиындап барады. Мұсылмандар оразада ауыз сусыз қатты қиналуда, оның үстіне күн қатты ысып тұр», – деді ол. Израилдьдің бұл ісі палестиналықтарды таңқалдырмады. Әдеттегі істері ғой, бірақ алдын-ала ескертпеді деп қынжылады халық.