Австралияның Мельбурн қаласында тек мұсылмандарға арналған ықшам аудан салынбақ. Ол «Икра ауылы»  (iqra – «оқы») деп аталады. Бұл ауданға Оңтүстік Азиядан келген мигранттар қоныстандырылмақ. Аудан орталығында мешіт тұрғызылады. Сондай-ақ балаларға мұсылман мектебі салынады. Инвесторлардың есебі бойынша жаңа аудандағы үйлер үлкен сұранысқа ие болмақ. Себебі мұнда мұсылмандардың емін-еркін өмір сүруіне мүмкіндік болады.