Қарағанды облыстық орталық мешітінде Құран хатым етілді. Мешіттің асханасында ұстаздардың ұйымдастыруымен мешіт жамағаттары мен шәкірттердің арасында Құран хатым түсірілді. Дастархан жайылып, ас үстінде қасиетті барағат түні жайында уағыз айтылды. Шараға ҚМДБ-ның Қарағанды облысы бойынша өкіл имамы Өмірзақ қажы Қазкенұлы және мешіттің бас имамдары қатысты. Кеште түсірілген Құранның сауабы баршаға бағышталып, қасиетті түннің қадірі арта түсті. Жиналған жамағат алда келе жатқан айлардың сұлтаны – Рамазанға аман-есен жетуге жазсын деп дұға қылды.