Канн фестивалінде саңлақ сахабалардың бірі, Пайғамбарымыздың  (ﷺ) сүйікті азаншысы  Біләл жайлы анимациялық фильм көрсетілетіндігі сайтымызда жарияланған болатын. Эпикалық жанрда көрсетілетін анимациялық фильмнің 19-шы мамырда Канн қаласында көрерменге жол тартатыны белгілі болды. Картина продюсері әрі режиссері – Айман Тарик Джамаль есімді азамат. Сонымен бірге 327 жоғары білікті маман осы туындымен жұмыс жасаған. Анимациялық картинаны түсіруге жұмсалған қаражат 30 млн. АҚШ долларын құрады. Фильмде жеті жасынан құлдықтың ащы азабын шеккен Біләлдің басынан өткерген қиындықтары мен ауыртпалықтары суреттеліп, батыл әрі қайратты сахабаның бейнесін жеткізуге тырысқан.